Посетители:38554
  • ОУ Лазо Трповски
  • ОУ Лазо Трповски
Врачени признанијата освоени на Меѓународниот литературен натпревар за млади 2014

 

На 22 октомври 2014 година почесниот конзул на Јапонија во Република Македонија, н.е. Казу Лешниковска на пригодна свеченост им ги врачи признанијата на учениците од ООУ „Лазо Трповски“ што ги освоија на Меѓународниот литературен натпревар за млади 2014 во Токио, Јапонија. Натпреварот е во организација на УНЕСКО и фондацијата ГОИ од Токио, Јапонија.Натпреварот се организира во рамките на одбележувањето на „Деценијата на Обединетите нации за одржлив развој во образованието“ (проект што трае од 2005-2014 година и во кој активно се вклучени 144 земји-членки на УНЕСКО и 8 земји-набљудувачи).

Повеќе...
 
Финалисти на меѓународниот литературен натпревар за млади 2014 во Токио, Јапонија

 

Во рамки на одбележувањето на „Деценијата на Обединетите нации за одржлив развој на образованието“ (проект што се реализира од 2005-2014 година и во кој активно се вклучени 144 земји-членки на УНЕСКО и земји-набљудувачи) ООУ „Лазо Трповски“ од Скопје четврти пат едноподруго учествува на Меѓународниот литературен натпревар за млади во Токио, Јапонија. Натпреварот е во организација на УНЕСКО и фондацијата ГОИ од Токио, Јапонија.

Повеќе...
 
Врачена наградата освоена на 43. Меѓународен училиштен натпревар за политичко образование

Наградата на учениците во името на нејзината екселенција амбасадорката на СР Германија во Република Македонија Гудрун Штајнакер им ја врачи раководителот на одделот за култура во германската амбасада, госпоѓа Хелга Тајпел, на пригодна свеченост што се одржа во просториите на училиштето на 21 мај 2014 година.

Повеќе...
 
Освоена награда на 43. Меѓународен училиштен натпревар за политичко образование

Проектот „Добрите и мрачните страни на глобализацијата“ изготвен од учениците од ООУ „Лазо Трповски“ 8б одделение деветолетка (ментори Стефан Симовски, предметен наставник по германски јазик и Даниела Радевска, предметен наставник по хемија) на 43. Меѓународен училиштен натпревар за политичко образование (екипен меѓународен натпревар на германски јазик што традиционално се одржува во германскиот град Бон) освои награда во својата возрасна категорија (за ученици од 5-8 одделение).

Повеќе...
 
Лични творби на ученици од ООУ „Лазо Трповски“ наградени со пофалници во Берлин


Ученици од ООУ „Лазо Трповски“ на 6. Меѓународен училиштен литературен натпревар во Берлин на тема „Во водените пространства на нашата планета“ што го организира германското здружение „Мерхенланд“ од Берлин, Германија, во соработка со Министерствата за образование на Германија, Австрија и Швајцарија за пласманот во финалето од страна на петчленото стручно жири беа наградени со пофалници. Тие се пласираа меѓу 300 најдобри во конкуренција на лични творби и помеѓу 400 најдобри во конкуренција на илустрации. Натпреварот традиционално се одржува во Берлин во рамките на манифестацијата „Берлински денови на сказните“, а годинава организаторот ја зададе темата по повод стогодишнината од основањето на Зооаквариумот во Зоолошката градина во Берлин.

Повеќе...
 
Проект на ученици од ООУ „Лазо Трповски“ награден со пофалница во Хамбург

Проект на ученици од 7б одделение од ООУ „Лазо Трповски“ од Скопје беше награден со пофалница од страна на стручното жири на 15. Меѓународен еколошки училиштен натпревар ГЕО 2013, кој традиционално се одржува во Хамбург, Германија. Седмоодделенците на натпреварот учествуваа со истражувачки проект на тема „Распространувањето и заштитата на инсектојадното растение Drosera rotundifolia во Република Македонија“ (повеќе информации за проектот може да најдете на следните линкови: http://www.geo-artenvielfalt.de/aktionen/2013/ и на http://www.geo-artenvielfalt.de/aktionen/2013/Drosera_rotundifolia) под менторство на предметните наставници Даниела Радевска и Стефан Симовски. Проектот учениците го реализираа во соработка со студенти и експерти од Катедрата за ботаника и дендрологија на Шумарскиот факултет во Скопје, Институтот за биологија на Природно-математичкиот факултет во Скопје и Истражувачкото друштво на студенти биолози при Природно-математичкиот факултет во Скопје.

Повеќе...
 
«ПочетокПред1234567СледноКрај»

Страница 4 од 7
Банер