Учениците од шесто одделение на ООУ „Лазо Трповски“ Лавинија Волнаровска и Томислав Јовановски се пласираа во финалето на 10. меѓународен литературен фестивал на детската поезија на мајчин јазик „Дечје царство“ во Бања Лука, Босна и Херцеговина. Тие се натпреваруваа во конкуренција со преку 4000 нивни врсници од основните училишта од: Словенија, Хрватска, Босна и Херцеговина, Србија, Црна Гора и Македонија кои напишаа повеќе од 6000 песни.

Нивните лични поетски творби се избрани меѓу на јдобрите 70 песни кои ќе се борат во финалето за титулата апсолутен победник на фестивалот- Малиот принц или принцеза на Детското царство како и за други вредни награди. Финалето ќе се одржи на 22.04.2016  во  Бања Лука. За прв пат од постоењето на оваа литературна манифестација ученици од нашето училиште годинава успеаја да се пласираат во завршницата, а ние им посакуваме среќа и успех во крунски дел на фестивалот.

Соња Јовановска