Двајца ученици од прво одделение од ООУ „Лазо Трповски“ од Скопје беа наградени од страна на стручното жири на ликовниот натпревар „Мојата слика од бајките на браќата Грим“ на кој право на учество имаа сите ученици од основните училишта во Република Македонија. Натпреварот го организираа Здружението на наставници по германски јазик во Република Македонија и Гете-институт Канцеларија за врски Скопје по повод јубилејот „200 години од излегувањето од печат на збирката Детски и куќни сказни од браќата Грим“.

Стефани Исајловска, ученичка во 1б одделение (ментори: Олгица Каскаревска и Стефан Симовски), во својата возрасна категорија за ученици од 1-3 одделение ја освои втората награда, а првоодделенецот Александар Миовски, ученик во 1а одделение (ментори: Дијана Петроска и Стефан Симовски), третата награда на натпреварот.
Стручното жири ги награди и ликовните творби на тројца ученици од училиштето со пофалници, и тоа: Гораст Анчевски, ученик во 1а одделение (ментори: Дијана Петроска и Стефан Симовски), Михаела Савевска, ученичка во 4а одделение (ментори: Снежана Матовиќ и Елена Угриноска) и Борјан Ристески, ученик во 4б одделение (ментори: Розета Сугарева и Стефан Симовски).
На натпреварот учествуваа повеќе од 900 ученици од основните училишта во Република Македонија.
Наградите на добитниците им беа врачени на 03.06.2013 година во 13 часот на пригодна свеченост што се одржа во Националната и универзитетска библиотека „Св. Климент Охридски“.
Стручното жири одлучи 50 најуспешни ликовни творби на учениците учесници на натпреварот да бидат изложени на изложбата „Светот на бајките“ што беше прикажана во Националната и универзитетска библиотека „Св. Климент Охридски“ во периодот од 29 мај до 21 јуни 2013 година.

Стефан Симовски, предметен наставник по германски јазик во ООУ „Лазо Трповски“